Frá aðalforrýminu, sem er á 1. hæð, er auðveldur aðgangur að allri starfsemi og þjónustu fyrir almenning.  Forrýmið mun hýsa upplýsingaborð, verslanir, kaffihús, miðasölu og smærri fundarsali. Forrýmið á 1. hæð er samtals 1.500 m2 og nýtist vel sem sýningarsvæði, fyrir móttökur og veisluhöld. Hægt er að koma fyrir 1000 manns  í veisluuppsetningu.

Á 2. hæð eru fjögur sýningarrými. Það minnsta er 130 m2 og stærsta er 450 m2. Samtals er sýningarsvæðið á 2. hæð 1,040 m2.  

Í forrými hússins njóta kristallaga gluggar glerhjúpsins sín einstaklega vel þar sem glerhjúpurinn myndar eins konar kápu utan um bygginguna . Glerið endurvarpar ólíkri birtu eftir því hvernig ljósið fellur á og birtan í forrýminu verður þar að leiðandi síbreytileg.