Uppspretta
Uppspretta er rúmgóður salur á annarri hæð Gestastofu Elliðaárstöðvar. Salnum er hægt að stilla upp á fjölbreyttan hátt. Gott að miða við allt að 70 manns í standandi viðburði, 50 manns í leikhús uppstillingu, 30 manns í í skólastofu uppstillingu. Einnig fer vel að vera með 16 manns við langborð eða U-borð.
Í salnum er stór skjár, tússtafla, hljóðnemi ásamt einföldu hljóðkerfi og fjarfundarbúnaði.
Á hæðinni er sameiginleg kaffiaðstaða með kaffi, heitum drykkjum og sódavatni, sem fylgir með í leigu.
Gott aðgengi er að húsinu og næg bílastæði.
Fallegt umhverfi, kyrrð og nálægðin við náttúruna og Elliðaá myndar einstaklega notalega og afslappaða umgjörð um Gestastofuna.
Uppspretta er frábær salur fyrir ráðstefnur, vinnustofur, fundi og kynningar.
Gestastofa Elliðaárstöðvar
Í Gestastofu Elliðaárstöðvar er hægt að leigja fjölbreytt rými fyrir fundi og vinnustofur í orkuríku umhverfi. Stutt er í endurnærandi útivist og til að fullkomna daginn er hægt að bæta við hópefli eða leiðsögn um svæðið.
Elliði Kaffihús
Við hliðina á Gestastofu er Elliði kaffihús. Opið er alla daga utan mánudag milli kl.11-17. Hægt er að panta morgun- eða síðdegishressingu frá þeim.
Fari fjöldinn yfir 30 manns er hægt að panta ráðstefnu eða fundarveitingar á sér tilboði.