Smiðja og Skemman
Í Borgarbókasafninu Úlfarsárdal er gott fundar- og vinnuherbergi til leigu. Herbergið tekur um 16-20 manns og hægt er að sitja við langborð, raða upp í skólastofu eða setja upp í leikhús uppstillingu, allt eftir hvað hentar.
Fundarherbergið er búið vönduðum skjá með hljóði sem hægt er að tengja við tölvu. Í rýminu er einnig vaskur með vinnuborði.
Til hliðar við Smiðjuna er Skemman tölvuherbergi sem gjarnan er notað við tölvukennslu og námskeið.
Hægt er að opna á milli herbergjana og gera að einu samfeldu rými.
Verðskrá fyrir Skemmuna og Smiðjuna
Leiga virka daga, 1/2 dagur - kr. 18.000
Leiga virka daga, heill dagur - kr. 28.000
Leiga virka daga, (kvöld 18-22) - kr. 25.000 Helgarleiga - kr. 40.000 dagur/kvöld.
Á hæðinni er Miðgarður. Miðgarður er stór fjölnota salur 200 fermetrar að stærð og rúmar allt að 160 manns. Salurinn er búinn lausum stólum og færanlegri sviðsupphækkun sem býður uppá sveigjanlega uppstillingu. Að bakatil er aðstaða fyrir listamenn.
Í salnum er gott hljóðkerfi, myndvarpi og sýningartjald og stýranleg lýsing sem og nýr flygill.
Salurinn hentar vel fyrir fundi, námskeið, fyrirlestra, og kennslu.
Salirnir eru hluti af miðstöð mennta, menningar og íþrótta í
Úlfarsárdal, 113 Reykjavík, nánar tiltekið í þeim hluta hússins sem við
köllum Miðdal (Borgarbókasafn, Dalslaug). Miðstöðin liggur neðst í
Úlfarsárdalnum til móts við Grafarholt. Sjá nánar.