Hótel Grímsborgir býður upp á einstaklega góða veislusali og fundarsali í fallegri náttúrunni í Grímsnesi.
Umhverfið er friðsælt og fallegt og aðeins undir klukkutíma keyrsla frá Reykjavík við Gullna hringinn.
Tveir salir
Tveir bjartir og fallegir salir standa til boða sem rúma annars vegar 130 manns til borðs og hins vegar 70 manns.
En það er einnig hægt að opna á milli og rímar húsið þá um 200 manns til borðs eða um 240 manns í standandi veislur og móttökur.
Öll aðstaðan er eins og best verður á kosið. Gott aðgengi rúmgott anddyri, setustofa með arineld og notalegheitum. Í húsinu eru góðir skjávarpar, sýningartjöld og hljóðkerfi fyrir tal og tónlist.
Fullkomið veislueldhús og meistarakokkar sem galdra fram allt frá smáréttum og kaffihlaðborðum til margrétta Gala-veislumáltíða.
Gisting
Fyrir þá sem þurfa gistingu þá er boðið upp á gistingu fyrir allt að 240 manns á hótelinu í stórum og fallegum herbergjum sem sum eru með heitum pottum til einkaafnota, rúmgóðum veröndum og vönduðum húsgögnum og rúmum, allt í sveitastíl með lúxus ívafi.
Á hótelinu er veitingastaður og var og úrvals kokkar og þjónustulið. Boðið er upp á lifandi tónlist, sýningar og uppákomur um helgar eftir óskum.
Hótel Grímsborgir hentar því mjög vel fyrir fyrirtækjaferðir og árshátíðar. Einnig sérstaklega vel fyrir brúðkaup og hópa sem þurfa einnig á gisting að halda.
Fundar- og ráðstefnusalurinn tekur allt að 130 manns í sæti, búinn vönduðum tækjakosti til fundarhalda. Aðstaðan hentar vel fyrir minni og stærri fundi og ráðstefnur.