Sjóminjasafnið í Reykjavík er með fallegan og bjartan fundarsal til leigu. Salurinn er á efri hæð safnsins og er 80 fermetrar að stærð.

Salurinn rúmar 65 manns í leikhúsuppröðun en einnig er hægt að setja upp U-borð, langborð eða skólastofu uppstillingu eftir þörfum.

Falleg lýsing er í salnum, sambland af dagsbirtu sem hægt er að draga fyrir og fallegri loftlýsingu sem er hægt að stilla eftir óskum.

Í salnum er myndvarpi og stórt sýningartjald.

Salurinn er því tilvalinn fyrir fyrirlestra, fundi, kennslu eða kvikmyndasýningar.

Aðgengið að salnum er gott, lyfta eða stigi milli hæða.


Í safninu á efrihæð er vönduð og yfirgripsmikil sýning - Fiskur & fólk - sjósókn í 150 ár.