Ljósafossskóli er staðsettur við Þingvallaveg í 70 km fjarlægð frá Reykjavík og í 20 km fjarlægð frá Selfossi. 

Frá árinu 2014 hefur Ljósafossskóli verið starfræktur sem gistiheimili. Á gistiheimilinu eru 20 herbergi sem rúma allt að 50 gesti, fallegur, bjartur salur, fullbúið eldhús, íþróttasalur, tjaldstæði og einbýlishús sem leigt er út fyrir 5-7 gesti. 

Salurinn tekur allt að 70 manns í sæti og hentar mjög vel fyrir veislur, ættarmót, ráðstefnur eða fundi. Salurinn er leigður út án veitinga. Dúkar fylgja ekki með en stærðin á einu borði er 75cm x 125cm. 

Íþróttasalurinn hefur verið mjög vinsæll hjá börnum á öllum aldri og einstaklega heppilegur þegar veislur eru haldnar og fullorðna fólkið vill ræða saman í ró og næði.

Íþróttasalurinn er einnig leigður út sér fyrir þá sem vilja hittast til að keppa eða bregða á leik.