Fífan Íþróttahús

Fullkomin aðstaða til hverskyns íþróttaiðkunnar

Hægt að skipta salnum upp á ýmsan hátt
Gervigras frá Polytan
Tengibygging með fundarherbergi
Tengingbygging með sal fyrir 70 manns í sæti
Gott aðgengi fyrir fatlaða
Stutt í sund í Kópavogslaug
Næg bílastæði


Nánari upplýsingar
Flatarmál Fífunnar er 10.100 fermetrar. Húsið er fulleinangrað og hiti er í gólfi þannig að hægt er að halda jöfnu hitastigi c.a. 10 gráður á Celsíus sem er þægilegt til æfinga og keppni.
150 natríum-og kvikasilfur lampar lýsa upp húsið og þegar full lýsing er í húsinu er hún 500 lúx.
Hægt er að opna lúgur í lofti og á göflum til að loftræsta húsið.

Knattspyrnuaðstaðan
Knattspyrnuvöllurinn er 105x68 m og er lagður gervigrasi frá Polytan af svokallaðri 3. kynslóð gervigrass, fyllt með sandi og gúmmíi til að líkja eftir eiginleikum venjulegs grass.

Knattspyrnuaðstöðunni er hægt að skipta í 4 hluta og geta hópar, fyrirtæki og íþróttafélög leigt ¼, ½ eða heilan völl undir æfingar og keppni. Nóg er af mörkum því 8 minnibolta mörk og 4 stór mörk eru í Fífunni. Frí lofthæð yfir hliðarlínum knattspyrnuvallarins er 7.20 m og um 13.m yfir miðjum vellinum.

Frjálsíþróttaaðstaðan
Frjálsíþróttaaðstaðan skiptist í fjórar 100 m hlaupabrautir og sex 60 m hlaupabrautir ásamt langstökks- og stangarstökksaðstöðu. Leigu á frjálsíþróttaaðstöðunni er skipt í tvo hluta og er hægt að leigja annan hlutann eða báða. Annar hlutinn samanstendur af 60 m hlaupabraut, auk aðstöðu til langstökks og stangarstökks. Hinn hlutinn er 100 m hlaupabraut.
Frjálsíþróttaaðstaðan er lögð 13 mm þykku gerviefni frá Polytan.

Tengibygging
Í Fífunni er glæsileg tengibygging með sætum við borð fyrir allt að 70 manns. Þar er einnig salernisaðstaða en klefar eru samnýttir með íþróttahúsinu Smáranum. Í tengibyggingu er fundarherbergi þar sem hægt er að komast í nettengingu. Aðgengi fyrir fatlaða er gott því bæði er lyfta í húsinu og rafmagnsstýrðir hurðaropnarar í andyri.

Fífan er miðsvæðis á höfuðborgarsvæðinu og stutt er í: sund í Kópavogslaug, bíó og búðir í Smáralind og líkamsrækt í Sporthúsinu.

Næg bílastæði eru við Fífuna.


Fífan Íþróttahús
Dalsmári 5 [póstnr] Kópavogur
Sími: Birta símanúmer
www.fifan.is

Vinsamlega látið vita að upplýsingarnar koma frá á salir.is þegar haft er samband.

Teikningar
Hringmynd
Myndskeið

Fyrirspurn um þessa þjónustu

Hér getur þú spurst fyrir um bókanir, verð og nánari upplýsingar