Það eru fáir staðir á landinu sem henta jafn vel og Hlaðir fyrir ættarmót. Náttúran, aðstaðan, nálægð við höfuðborgina, tjaldsvæði og sundlaug. Frábær uppskrift að eftirminnilegu ættarmóti.
Leiksviðið laðar fram það besta hjá ættinni. Það er alltaf einn grillkóngur í hverri ætt og á Hlöðum fær hann tækifæri til þess að láta ljós sitt skína.
Hernámssetrið á Hlöðum
Hernámssetrið á Hlöðum er rólegur og fallegur staður við norðanverðan Hvalfjörð, um 45 mín akstur frá Reykjavík og 20 mín akstur frá Akranesi.
Á Hernámssetrinu er góður veislusalur/danssalur sem tekur 90 manns í sæti og hentar vel fyrir árshátíðir, veislur, bekkjamót, ættarmót, fyrirtækjadaga, ráðstefnur, tónlistarviðburði og fleira. Salurinn er með stóru sviði, diskókúlu, píanói, ræðupúlti, hljóðkerfi, fallegum bar og rúmgóðu eldhúsi sem er vel tækjum búið.
Við rekum veisluþjónustu hér og getum boðið mat fyrir hópa stóra sem smáa.