Caruso  fyrir veisluna
Caruso er rótgróinn veitingastaður á besta stað í bænum, á horni Laugavegs og Þingholtstrætis. Húsið sem er byggt árið 1892 ber með sér fallegan blæ gamla tímans og er vægast sagt ævintýralegur og rómantískur staður. Eigendur Caruso hafa í gegnum tíðina safnað fallegum húsgögnum og hlutum sem prýða staðinn einstaklega vel. Stíllinn er fjölbreyttur og stílhreinn og óhætt er að fullyrða að staðurinn á sér engan sinn líkan. Sjón er sögu ríkari!

Staðurinn er á þremur hæðum, á jarðhæð er veitingasalurinn en á 2. hæð eru 3 salir og setustofa. Í risinu eru svo tveir salir. Bar er á 2. og 3.  hæð sem og góð salernisaðstaða og fatahengi.

Caruso leggur áherslu á gæði í matargerð sinni og útilætur veglega diska svo enginn kemst svangur frá borði! Mögulegt er að fá ítalska og íslenska rétti en starfsfólk staðarins er sveigjanlegt og hefur mikla þjónustulund.