Bláa Lónið

LAVA hefur slegið í gegn fyrir stærri árshátíðir, stórafmæli og brúðkaup enda svíkur stórkostlegt umhverfi Bláa Lónsins ekki nokkurn mann.

Viktor Örn Andrésson, meðlimur í landsliði íslenskra matreiðslumeistara, er matreiðslumeistari Bláa Lónsins og töfrar fram fingramat eða hátíðarmatseðill með kokkateymi sínu, allt eftir þörfum hvers og eins.

Bláa Lónið
Heimsókn í Bláa Lónið - heilsulind er fullkomið dekur fyrir líkama og sál. Heilsulindin er vel þekkt víðsvegar um heiminn og hefur meðal annars fengið verðlaun fyrir að vera besta náttúrulega heilsulind heims, einn af tíu ótrúlegustu baðstöðum heims og ein af 25 bestu heilsulindum í heimi.
Það er einstök upplifun að slaka á í hlýju lóninu (37 - 39°C) á meðan virku efni Blue Lagoon jarðsjávarins, steinefni, kísill og þörungar leika um húðina.

Bláa Lónið rekur veitingastaðinn LAVA ásamt veislu og fundaaðstöðu í Bláa Lóninu. Í nokkurra mínútna fjarlægð frá Bláa Lóninu er Eldborg en þar eru fundasalir af ýmsum stærðum auk veislusala. Bláa Lónið býður því fjölbreyttu aðstöðu til veislu eða fundahalds fyrir 8 til 500 manns og allt þar á milli.